السلام عليكم ورحمه الله وبركاته
انا مش هطول عليكم ياجماعه
بس كل ما فى الامر انا هتكلم فى موضوع يعنى شاغلنى انا ومش بحب اروح الاماكن دى بسبب الموضوع دا
والموضوع وكل ما فيه لما بتروح اى مكان بيتباع فيه هدوم
احنا عندنا هنا فى المحله مثلا كل ما بنزل العباسى
(والعباسى دا مكان بيتباع فيه الهدوم)
انا كل ما بنزل المكان دا الناس الى هما البياعين بيكونوا واقفين برا المحل
ويعدوا يشدوا فينا
تعالى يابيه تعالى يااستاذ
تعالى ياكابتن والنبى لتيجى
طيب تعالى بصبصه على الى عندنا وشوف الى موجود
لحد ما الواحد كره الهدوم ومعنتش بحب انزل اشترى هدوم بسبب الحكايه دى
انا عايز الكل يدخل ويشارك برأيه
ياترا دا يبقى اسمه ايه
انا عايز اعرف
ليه الناس دى بتعمل كدا
وياترا دا بيحصل مع الشباب بس ولا بردو محلات البنات الحريم بيقفوا بره الدكان ويشدوا فى البنات كدا
سؤال يطرح نفسه امام الكل
كان معكم انـــــ حز ـــــســـــ ين ـــــان من امام احدى محلات الملابس
منتظرين اجابتكم وخطابتكم على موضوعنا هذا
وشكرا تحياتى
