مبروك يا جماعه مفيش (ورث) !!!!

هلال: لا صراع في الوطني ولا صحة لتوريث الحكم 8/21/2007 10:11:00 PM

نفى أمين الاعلام في الحزب الوطني الديمقراطي في مصر الدكتور علي الدين هلال وجود صراعات داخل الحزب بين من يسمون الحرس القديم والحرس الجديد.

وقال في تصريحاته إن الحديث عن هذا الصراع وعن توريث الحكم في مصر لا أساس له من الصحة ومن صنع خيال الذين يتحدثون في هذه الأمور، ثم يصدقونها بعد ذلك-حسبما ذكرت صحيفة الخليج.

وأضاف هلال في تصريحات أن الوطني ينتقل إلى فكر جديد يعتمد المنافسة الحزبية داخله كأساس للعمل، مشيراً إلى الانتخابات التي جرت في وحداته الحزبية، والتي قال إنها شهدت اقبالاً شديداً من أعضاء الحزب ومناقشة فيما بينهم للفوز فيها، وحول امكانية وجود منافس لرئيس الحزب الرئيس حسني مبارك في الانتخابات المقرر اجراؤها على هامش المؤتمر العام للحزب في نوفمبر المقبل، قال هلال إن من السابق لأوانه الحديث عما إذا كانت تلك الانتخابات التي ستجرى لأول مرة ستشهد تنافساً أم لا.

وأضاف ان الفكر الجديد يمثل تياراً جارفاً داخل الحزب في الوقت الحالي، ولا يمثله أشخاص بعينهم، كما تمثله قيادة الحزب، حيث توجد مدرستان للفكر داخل الحزب.

منقول من مصراوي

حد مصدق الكلام ده ....

مصدقكم يا كدابين

زغرطتي يا ألبتي ... جيمي طلع out

كلاااااااااام جراااااايد يا عم اسامه

بص ... اى حاجه تتقال او متتقالش .. حكومتنا ..لااااااازم تتوقع منها اى حاجه من دى

بشكرك

والله عندك حق دى حكومة المعجزاااااااات
تسلم على مرورك

يا جماعة الكلام دة نصة صح و النص التانى غلط انا فى الحزب الوطنى

النص الاول الصح ان فعلا استاذ جمال مبارك بيتم اعدادة لدخول انتخابات الرئاسة لكن هو حتى و قتنا هذا لم يحسم امرة

اما النص التانى لا فى فعلا صراع فى الحزب الوطنى بين الحرس القديم المتمثل فى الاستاذ كمال الشاذلى و الحرس الجديد المتمثل فى المهندس احمد عز و الكلام دة على مسؤليتى انا و الاتنين بيضربو فى بعض جامد قوى بس جوة الحزب و طبعا عارفين طبعا مين كل مرة بيكسب بصو يا جماعة الكلام دة سر اوعى حد يطلعو برة ههههههههههههههههههههههههههه
شكرا ليك

و اللهى الراجل ده مثقف يا عم

كاو بوى مثقف وكمان محترم اوى وانا بحبه بصراحه

تربيتك يا وكيل
و القلوب عند بعضها و الله يا اسامة
تحياتى ليك

وانا معاك يا كوبوى مع انى حاسه ان ماحدش فاهم حاجه فى البتنجان الاسود

لية يا سندس البتنجان الاسود واضح اهو الكلام زى الفل

و يا جماعة علشان الى مش واخد بالو من حكاية الصراع دى
خير دليل الى حصل فى انتخبات مجلس الشعب فى المنوفية المهندس احمد عز كان بيقدم دعم لواحد من الحزب الوطنى لكن الاستاذ كمال الشاذلى راح قدم دعم للى نازل قدامة و اكيد الى هو مش من الحزب و دى كانت القشة التى قسمت ظهر البعير

و بعد كدة كمان الى حصل فى مؤتمر السنوى للحزب لو كان الاستاذ كمال الشاذلى و بالمناسبة هو يعتبر من اقدم رجال البرلمان فى العالم كلة لو كان دفع مليون على طول المهندس احمد عز يدفع عشرة مليون

وشكرا ليكم كلكم و اتمنى انى اكون و ضحت النقطة دة و يسعدنى ان اى حد يستفسر عن حاجة فى الموضوع دة

» مبروك على المعادله *****
» شوفو يا جماعه ايه الي بيحصلنا في الشات الايام دي
» فيلم رمضان مبروك ابو العلمين حموده