اشهر جمل يقولوها الاب والام في مصر

انت فاكرنا لاقين الفلوس ديـــة في الشارع .

* ما تتكلمش بصوت عالي في الحمام .

* والله ما انت فالح .. وادي دقني أهه .

* ما تنمش غير لما تغسل سنانك .

* ما تلزقش في التلفزيون كده .. نظرك هيضيع .

* سلم على عمك كويس يا ولد .

* يا ابني محدش هينفعك .

* ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد .

* ربنا يرزقك بعيل يوريك اللي ورتهوني .

* ما تطلعش على الملايه النظيفه و رجليك مت***ه كده .

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

*انت فاكرنا نايمين على ودانا ؟

* يا ابني انت مسطول ولا ايه ؟

* ما تلبسش القميص على اللحم زي العيال الصايعه .

* بلاش أكل بره .

* كلمنا لما توصل .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .

* اوعى حد غريب يديلك حاجه تاكلها و تشربها و تاخدها منه .

* يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .


* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* اوعى تقول لحد هات لي حاجة .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

* صليت العصر ؟! اشمعنى العصر بالذات

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك .

* ما تتأخرش بعد المدرسه و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* تقعد في أول صف قدام السبوره .

* ما تردش عليا .

* مش عايز اسمع صوت .

* مالكش دعوة بالسياسة .. وماتمشيش في مظاهرات .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا

لازم يقولوا كدا علشان هما اتخلقوا علشان يقولوا كدا والكلام اللي انتا قلته كله يحسب ليهم مش عليهم واحنا المفروض نعمل كل دا من غير ما هما يقولوا لان اللي مش بيشوف من الغربال يبقي اعمي اوكا علي العموم بجد انا مكملتش الكلام لاخره لاني كنت اكره ابي وامي بسبب الموضوع دا هاهاهاهاهاهاهاهاهاها مفيش ولا كلمه حلوه بيقولها ولا ايه
thanx for u and Enjoy
from SanTa with love

هههههههههههههههههههه
لا جامد قوى الموضوع ده يا وكيل فعلا كل اب بيقول كده بس عشان خيفين عليك على فكرة انتا لما تبقى اب هتقول كده

فنان المنتدى كتب:

هههههههههههههههههههه
لا جامد قوى الموضوع ده يا وكيل فعلا كل اب بيقول كده بس عشان خيفين عليك على فكرة انتا لما تبقى اب هتقول كده

مين دول اللى خايفين عليا ... و انت عرفت منين .. ان انا بيتقالى الكلام ده اساسا

بجد نورت يا فنــــــان و اسعدنى مرورك

هههههههههههههههههههه جامد ولا اي جامد

اهم حاجه ... محدحش يقعد ادام المروحه و هو مستحمى عشان ميجلوش برد

شكرا يا اسامه على مرورك ... تحيتى

هههههههههههههههههههههههههههههههههههه
مشكور ياوكيل على موضوعك الجميل دا وفعلا كل الكلام دا الاب بيقولوا ودايما مزهقنا واللهى بالاسطوانه بتاعته دى
وانتا فاهم بقى
منتظرين المزيد يامان

فااااااااااااااااهم يا احمد كويس جدا

و نورت التوبيك يا بوب

لطييييييييييييييييييييييييييييييييييييييف

هههههههههههه اه لطيف

نورتى يا سندس

تسلمى يا قمر


نورت يا بطوط بيه

جاااااااااااااااااااااااااااااااااااااااامد

نوووووت يا حاااج