أنتى أحلمى وهو يقول رأيه

( بتحلمى بأيه ؟؟؟؟؟؟؟؟)
سؤال عادى بس لقيت ناس كتير أوى مبيعرفوش يجوبه عليه وطبعاً باين من سؤالى أنه موجه للبنات رغم أنى متأكده أن معظم الشباب هما كمان لو سالتهم السؤال ده مش هيعرفو يجوبه
الا أنى عايزه أوجهلهم سؤال تانى لو كانت تربطك علاقه بوحده أى أن كانت
بمعنى (أخت - أم - زوجه - حبيبه..................ألخ)
(هتسألها عن حلمها وتحاول تحققهلها ؟؟؟؟؟؟؟؟؟؟)
وبمعنى أوضح لو كان حلمها ده فى شغل وأثبات زاتها هتقف معاها ولا هتعارض وتقول شغل البنات لأ أرجو من كل البنات اللى على المنتدى أدخلى وشركى وقولى أيه حلمك نفسك تكونى أيه
عايزه ولادك فى المستقبل أن شاء الله يشوفكى أزاى أم وبس ولا أيه بالظبط
ورجاء من كل الشباب حاول تحط نفسك فى الموقف ده أن مكنتش أتحطيت فيه قبل كده أصلاً وشركنا برأيك
وبلاش نناقد نفسنا ياعنى البنات بلاش تخترعى حلم علشان شاكلى أدام اناس
والشباب باردو أكيد وصلهم كلامى رقيبك هو نافسك
*
*
*
أنا هبدأ بنفسى
أنا نفسى أتخرج من الأكدمى وأكون مبرمجت كمبيوتر وأفتح شركه لبرامج إدرات الشريكات ده غير حلمى الكبيـــــــــــــــــر فى أنى أكون صحفيه ولوفى جريده أو مجله صغيره والحلم الأكبرأكون مزيعه حاجه كده زى منى الشذلى
اسفه لو كنت طولت عليكوا مستنيا أحلمكوا

يا نص حاله

انتى فى معهد حاسبات .. و كمان ع السريع

تطلعى صحفيه ازاى بقى ؟

أولاً أسفه لو كنت أتأخرت فى ردى عليكو

ثانياً بما أنى أتأخرت فا اسمحولى أرد عى الكل
زميلى الوكيل بس كنت حبه أوصلك فكره الحلم والطموح ملهوش دعوه بالمكان ولا الزمان بالدراسه أو بالمجموع ده حلمى وهويتى
ياعنى أنا واحده كان نفسى أدخل أعلام طول عمرى بس لظروف مجموعى دخلنى الأكدميه دى يبقى أبطل هوايتى وحياتى كمان لأ لأ لأ لأ أتنازل ليه ممكن أكمل اللى أنا عيزاه فى أى مكان


أما بالنسبه لحضرتك (فنان المنتدى ) فعلى ما أعتقد أن cow boy رد عليك وقال كل اللى ممكن أقوله أنا بتكلم عن الشغل علشان أثبت أنى موجوده وليا كيان مش علشان مديات
ولأنسان هو الأنسان فى أى مكان والحلم مبيموتش علشان أنا من الصعيد

أتمنى أن تتقبلوا ردى وشكراً للمرور

ومن الواضح أن مفيش بنات غيرى على المنتدى

مااااااااشى ه عينى و راسى ...

بس لو حطيتى كده ف طموحك تبقى بتضيعى وقتك و عمرك كمان ...

احتــــــــرامى

ده لو أنا بدرس حاجه مش حباها أو بدرسه غصب عنى

لاكن أنا بدرس حاجه أنا حباها وانا كتبت ده فى هوياتى أنى نفسى أفتح شركة برمجه

أكون بضيع واقتى لو بدرس حاجه أنا مش حباها ومش عايزه أكمل فيها

لاكن أنا بحلم بحجات تانيه والحلم عمره مكنله حدود

اولا مشكور جدا على موضوعك الجميل دا يانص حاله
ثانيا انا مبسوط جدا من الكلام الى بسمعه دا واللهى
ثانيا الحلم مش عيب احلمى زى ما انتى عايزه
بس برد زى ما صاحبى وحبيبى الوكيل قال انتى كدا بتضيعى وقتك وعمرك كمان
فى حلم ملوش لزمه
واحنا فى النهارده
ولسه قدامك المستقبل واكيد ينتظرك مستقبل باهر
وان شاء الله الى ربنا عايزه هيكون
وبعدين مش جايز لما ربنا يوفقك وتتجوزى ابن الحلال مش ممكن ميوافقشى انك تشتغلى
يبقى كل الحلم دا طلع على فشوش
انا اسف اذا كنت طولت عليكى بالكلام
ومشكور جدا وفى الاول والاخر دى وجهه نظر

زميلى العزيز

أولاً شكراً لمرورك

ثانياً أنا عايزه أسألكوا سؤال واحد هو الحلم هياخد من وقتك أيه ؟؟؟؟؟؟؟؟؟؟؟؟؟؟
أنت بتحلم وبتسعى علشان الحلم ده زى ما بتسعى فى حياتك علشان تحقق هدفك
ولا يمكن للأنسان أن يحيا بدون هدف والحلم هو الهدف
أما بالنسبه لأبن الحلال اللى مش هيخلينى أشتغل
وأنا أقبل ليه من البدايه.......... أنا ليه رأى ومبدىء وأسلوبى ياقنعه يأما خلاص كل شىء نصيب

وطبعاً طبعاً أحترامى التام لرأيك
وأتمنى أن تتقبل رأى

مشكور على رأيك يانص حاله

مشكورة على الموضوع الجامد دة

وانا شايف انة عادى

انا مثلا بحلمـ انى العب مع مصر فى كاس العالم 2010 مع ان دة صعب اوى

بس اهو احلمـ وعيش الحلمـ

يعنى انا حبيت اكون واحد بيلعب كورة بس الكورة مش حبتنى خالص

تحياتى


مجرمـ

حتى لو الحلم صعب حاول بكل ما عندك أنك تحققه أقنع نافسك دايماً أنك تقدر وأن اللى فى المكان ده منكنوش أحسن منك فى حاجه صداقنى حاول لو موصلتش أنت عارفطبعاً (كسبت شرف المحوله)
وممكن أوى المحوله دى تفتحلك أبواب تانيه مكنتش فى حسابك خالص

شكراً للمرور ولأهتمام