.. عندي موضوع حابه اناقشكم فيـه ..

3adee kolo by2olek a7na fe 3asr al 7oreya
we neso al deen 5ales
yalla allah al mosta3an wa al hadee

انا بشكرك على موضوعك الجميل
كل جيل بيختلف عن الجيل اللى قبله وبيختلف فى طريقة تفكيره او افعاله واكيد الجيل دلوقتى مش زى الجيل بتاع زمان يعنى واحنا مش جيل فاشل فترة الدراسة بنعمل اى حاجة انما لما بنخلص الدراسة كل واحد بيشوف مستقبله والدنيا تلاهى عشان كده بيقولوا ان جيلنا فاشل عمر ما كان جيلنا جيل فاشل واكيد برضه ايام زمان مش زى ايامنا فى حاجات كتير بتختلف من جيل لجيل

احب الاول اشكرك يا سندس على الموضوع ده
انا مع عبد الله فى ان كل جيل بيغير عن الجيل اللى قبله بس ما توصل الدرجه للفشل
الفرق بين زمان ودلوقتى لو الواحد معاه اعدادية زمان كان هايلاقى احسن شغل لكن دلوقتى انا بشوف الشباب معاهم طب وهندسة بس قاعدين على القهاوى المشكله مش فى الجيل المشكلة فى البلد
يعنى لو كل واحد لقى فرصه للعمل مش هايبقى ده حالنا الواحد جاله اكتئاب من التفكير فى مستقبله اساسا
فى الاخر تسلمى كمان مرة

انا مع راى اسامة و بعدين الزمن بيتطور و معاة كل حاجة و هما مش وصلهم الفكر دة يمكن علشان كدة بيقولو علينا فشلة ما هو (بعد ما شاب و دوة الكتاب )
شكرا ليكى

اعتقد انا كل جيل بيقول الكلا ده احنا لو شوفنا افلام زمان هنلقيهم برددو نفس الكلام ومع التطور الحياه اتغيرت بس عادى يعنى

الناس فاضيه ومش لاقيه حاجه تكلم فيها وكل واحد بيكون عنده عيب وبيبص للعيب الي في التاني وشكرا علي موضوعك الجميل اوي ده

ميرسى على موضوعك فعلا جيلنا اتغير كتير عن الاجيال اللى فاتت بس فى عيوبه ومميزاته احنا وصلنا لدرجه تقدم علمى كبير عن الاجيال اللى فاتت بس برده دلوقتى مع كل التقدم ده مفيش حد لقى يعمل حاجه بسبب البطاله اللى فى البلد

والله انا مش معاكم خالص
انا شايف ان جيل زمان كلة بركة وطيبة

وناس تعرف ربنا
انما دلوقتى

سورى بقينا فى زمن صعب اوى

ما احنا فى زمن الكاكا

مجرمـ ـآلرومأنسيـهـ

هو عندك حق يا هاري بوتر بس الي احنا فيه دلوقتي زمن تبقي عارف الي قدامك علي ايه ولو غفلت للحظه ممكن انه يبعيك في اقل من لحظه الناس مبقتش امان بس مش كلهم بس دلوقتي كل واحد بيفكر في نفسه مش بيفكر في الي معاه مش بيفكر في صحبه دلوقتي كل واحد همه نفسه وبس
بس هو مش كل الناس في ناس وناس

انا اشكرك علي الموضوع الجميل ده بس عاوز اقولك حاجه يا سندس في موضوعك العيب مش علي الحياه ولا علي الزمن احنا ديما الي بنرمي الحمل علي الزمن والحياه والايام واكمن هيا معملتش اي حاجه فينا العيب في الانسان ذذات نفسه كل يوم بيكون في حاجه جديده بتحصل بس احنا مش بنكون واخدين بالنا منها لاننا عاوزين ان الحياه تفضل زي ما هيا مفهاش اي حاجه تتغير وكمان احنا لازم نتغير لاننا لو فضلنا علي كدا يبقى مش هتمشي الحياه كل يوم بيتولد انسان وبيموت انسان هيا دي الحياه كل يوم بنلاقي في حياتنا حاجه جديده لازم نعشها ونعملها
شكرا علي موضوعك بجد الجميل ده
تقبلي مروري

اولا بهنيكى على الموضوع الرائع ده وفعلا يستاهل ان الواحد يتكلم ويتناقش فيه
فعلا تسلمى على الموضوع

لكن اسمحيلى انى اقلك رأى بكل صراحه ووضوح ..عندهم حق انهم يصفوا الزمن ده بالطبع الغريب
الزمن ال شافوا فى حاجات غريبه جداا .. من حقهم يقلوا كده ايام اجددنا ووالدى واالدك مكنش فى حوادث أغتصاب بالشكل ده ولا بالكثره دى ... ومكنش فى قتل اطفال .. ولا قتل زوجات لازواجهن ولا اى حاجه من حقهم يصفوا الزمن ده بالفشل .. لان زمان كان بيحبوا يوصلوا للهدف .. دلوقت الام بتتحايل على ابنها ياخد بس الدبلوم بالعافيه ... دلوقت الشباب بيشربوا حاجات مش كويسه .. وطبعهم غريب فى الحياه اوووى .. من حقهم يقلوا فين ايام زمان ... من حقهم يصفوه الزمن ده بالكلام ال انتى قلتيه
لكن طبعا مش كلهم .. لو اتكلمنا عن نفسنا احنا جيل تكنولوجى بيحب التطور بيحب يحلم الحلم ويحققه ويوصله ... وهما طبعا مخطئين جدااا انهم يتكلموا عن الزمن .. نسيوا ان الزمن متغيرش ان
القرآن ... السنه .. الفقه ... كلام الرسل... كلام الصحابه .. كل شىء ذى ماهو .. لكن اولادنا هما ال غيروا الطباع .. جابوا طبع غريب ...وحياه غريبه وفرضوها على الزمن ده
وطبعا كل كلامى ده مش علينا احنا كشباب وبنات بيحبوا يتعاملوا بكل وضوح مع زمن عصرى سريع التفكير والتطور ....
لكن احنا قليلين ...
والباقى بقى يفكر فى السلبيات قيل الايجابيات
اتمنى انى راى يعجبكم وهو فعلا ده الموجود ..
همس الانامـــل........................

[quote="همس الانامل"]الزمن .. نسيوا ان الزمن متغيرش ان
القرآن ... السنه .. الفقه ... كلام الرسل... كلام الصحابه .. كل شىء ذى ماهو .. لكن اولادنا هما ال غيروا الطباع .. جابوا طبع غريب ...وحياه غريبه وفرضوها على الزمن ده

..

quote]

ردك جميل اوى همس مشكورة كتير
وولو كل واحد فكر فى الدنيا بالشكل دة والكتاب والسنة

هنكون فى زمن خير

لان الرسول قال

تركت فيكم ما تسكتم بية لن تضلوا بعدى ابدا كتاب الله وسنة رسولة

صدق رسول الله

لو كل واحد رجع لكتاب الله وسنة رسولة

هنكون احسن بكتير

ومشكورة كتير

مجرمـ ـآلرومأنسيـهـ

انا حرد عليه بمقوله جميله اوى

قالها سعد زغلول

مافيش فايدة

هههههههههههههههه يا رب تفهمى قصدى يا ساندس

اولا احب اشكرك على الموضع دا ثانيا فعلا احنا فى زمن غريب الموضع دا لو اتكلم فيه هيكون طويل جدا بس بختصار شديد ان الزمن اتغير بس مينفعشى نقول ان الزمان اتغير علشان الزمن هوا هوا الشمس بتطلع كل يوم والقمر وكل شى هو هوا احنا الى اتغيرنا لو هنقول قل الحياء اوك لو كمان هنقول قل الخوف من ربنا حصل تغير كتير اوى يعنى مثلا بقنا بنعمل حجات واحنا مش فهمنها خالص بنقلد بطريقه عمياء مثال بسيط جدا ان الشباب اليومين دول بيسقط البنطلون من غير ما يعرف ان الموضه د ليه اساسا الموضه دى علشان يتعرف بيهم الى عندهم شذوز فى امريكا انا اساسا مش عارف اتكلم عن ايه ولا على ايه بس احنا الى غيرنا الزمن بدينا لو هنقول كمان مثال سورى انا الى بقنا مفيش اى تفكير لما يطلع واد زى الى اسمه تامر حسنى ويقول انا نجم الجيل علشان قال كدا بس كتير قال هو نجم الجيل طيب على ايه نجم الجيل فعلا تستحق تقبا نجم الجيل علشان احنا الى جيل فاشل . هو اتقال عليه نجم الجيل علشان هرب من الجيش وبقا كمان نجم الجيل علشان زور وبقا نجم الجيل علشان اتسجن اهو دا بقا الجيل الى احنا اخترنا حبسجى زى دا يقبا نجم جيلنا هههههههه سورى على الدخله دى بس انا علشان بكره الشخصيه دى فحبات ادخلها فى كلامى كمان بقا كل شى سريع مينفعشى نقول المقوله الشهيره الى بتقال ان كل شى بيطور مع تطور الزمن انا مش مع دا لو التطور دا حصل اه فى العلم والتقدم والوسائل بس مش تمشى مع الانسان علشان الانسان خلق للعباده مش للتطور . وزى ما قولت الزمن هو الزمن من اول خلق ادم لحد الان هو هو متغيرشى فيه اى شى احنا الى بنتغير بدينا
واسف على الاطاله ويارب اكون وضحت جزء من الى فى دماغى