امتحان السفاره المصريه للحصول على الجنسيه

امتحان السفارة المصرية للحصول على الجنسية

صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة
(قلم رصاص - أستيكة (تحسباً للأخطاء الكتيرة) - اثبات شخصيتك (تذكرة اوتوبيس - مفتاح الشقة - كارت تليفون مينا تل - عملة مصرية - أي حاجة‎)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة مش هتنجح يعنى مش هتنجح هما الى نجحوا عملوا بيها ايه يعنى)

السؤال الأول:اختار من بين الأقواس الكلام الصح:

1- ‏حنان ترك اتحجبت يعني............ (لبست فستان - لبست ساعة - لبست ايشارب)

2- ‏اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- ‏اللي بنى..بنى مصر كان في الأصل......(حلاق - نجار - تاجر مخدرات - صلاح - حلواني)

4- ‏البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)

‏ملاحظة :بص في ورقتك يا حيواااان!

5 - ‏مصر هى أمي نيلها جوا...........(عبي - بطني - رجلي - جيبي - دمي)

6- ‏رئيس مصر القادم السيد......(جمال مبارك - جمال مبارك - و حياة أمك جمال مبارك - كل ما سبق)

السؤال الثاني:أكمل الجمل الآتية بكلام م الآخر:

1- ‏انتبه من فضلك السيارة ترجع إلى............ ......... ...

2- ‏ماما زمنها............ ......

3- ‏من خلال تجاربك السابقة...البامبرز استيك منه............ .

4- ‏طلعت أدّب نزلت أدّب لقيت الدب بيأزز............

5- ‏اسم والد اللاعب وائل جمعة............ ..

- ‏و لو بتشجع أي فرقة من الفرق الأجنبية "ريال مدريد ولا برشلونة " مافيش أى جنسية

السؤال الثالث:ضع علامة صح أو علامة غلط أمام الكلام الجاي:

1- ‏بابا فين؟؟ ..بابا هنا..قوله مين؟؟ قوله عمو ( )

2- ‏الشرطة دائما في خدمة الشعب ( )

3- ‏شاي الجوهرة حتة سكرة ( )

4- ‏يحكم مصر النظام الملكي ( )

جاوب يا ملعب
ومن غير غش
(هى مش ناقصة وحياة امك)

وشعارنا هنا
يا مصر لو نيلك دمعة .... ميكفيش الكوسة الى فيكى