مين هو المصرى...؟؟؟

المصـري هـوّ اللـي

المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك
**********
المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه
**********
المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف
**********
طيبة المصري مش ممكن تلاقي زيّها فى اي بلد تانية
انا مصري وابويا مصري
وافتخر اني مصري
واعتز ببلدي مصر

^{~*~ CopyRight ~*~}
ELM@SRY

ايه الكلام الجامد ده يا يوسف
دانت طلعت وطنى وطنى يعنى
بس مهما قالوا او عملوا مصر هاتفضل مصر بحضارتها وشموخها

ويا خساره يا مصر
بحبك حب يعصر القلب عصر

هو مش باين في اسمي ولا ايه
بجد مهما اوصفلك انا بحب البلد دي اد ايه مش هعرف اوصفلك
بس بجد مصر دي بتجري في دمي
وافديها برودي
سيبك من كل اللي بيحصل في البلد والمهازل
بس مش مصر السبب
دول ولاد مصر اللي بيعملو كده في بعضهم
مش هطول عليك بس شكرا علي مرورك وعلي ردك ونورد بجد الموضوع

» حمل اغنية رونى المصرى مشوار 2010
» احدث اغانى ملك الشر المصرى (مخنوق) + الكلمات
» حصريا اهداف مبارة الاهلى والاتصالات ..دورى المصرى ...على عدة سيرفرات
» ملخص مباراة القمة 103 الزمالك والأهلى فى الدورى المصرى الممتاز
» بعد طول غياب مع اغنية حريتنا مع المطرب جوكر جاكو و رونى المصرى