ليه اخطاء البنات جريمه ؟ والشباب طيش !

ياهمس القلوب اولا صباح الخير
ثانيا: البنت تختلف عن الشاب فى حاجات كتير
يعنى ما ينفعش نقول بنت تروح متأخر مثلا لكن للولد عادى
وماينفعش ان البنت تضحك بصوت عالى لكن الولد عادى
ماينفعش ان البنت تهزر وتجرى فى الشارع قدام الناس لكن ينفع الولد يعمل كدة

وبإختصار فى حاجات ممنوعة عن البنت لان دة هو دينا وتقاليدنا وكل دة مافهوش حاجة غلط

ممكن البنت تعمل كل اللى هى عاوزاة بس يكون فى حياء فى تصرفاتها ورزانة وادب
دى البنت اللى مليون شاب يتمناها مادامت على نفس الاساس دة

وكلنا عارفين المثل اللى بيقول شرف البنت زى عود الكبريت ما يولعش غير مرة واحدة

والشرف مش اللى فى بال الناس كلة لأ الشرف بيبتدى من لبسها وماشيتها وكلامها لغاية اللى كل الناس عارفينة

انا شايف ياهمس القلوب انة مافيش ظلم للفتاة ولا حاجة لو البنت احترمت نفسها واللى حواليها وخافت ربنا مش هتخلى شخص فى الكون يقدر يقول عليها كلمة

امشى عٍدل يحتار عدوك فيك

بجد حور نقاشى جميل

تسلم الايادى ع كلاماتك

الاكثر من روعه

شكرا لك

ولى عوده للموضوع مره اخرى

اولا مرسيه ليكى على الموضوع الجميل ده وبرضه انا متفقه مع راى حماده لاننا مجتمع شرقى وعلى فكرة احنا نعتبر احسن من غيرنا كتير واحنا كده فى نعمه لان الاخلاق هى افضل حاجه فى المجتمع وتقبلى تحياتى

شكرا علي الموضوع الجميل ده
وانا عندي راي عاوز اقولو
احنا الحمدلله احسن من اي حد
وفي ناس اوحش من هنا بكتير اوي

تقبلي تحياتي