[center]الدرس عباره عن كيفية تصميم برواز احترافي متكامل + تقطيعه الى اجزاء لكي يركب على المنتدى
نقوم بفتح عمل جديد وافضل مقاس هو :: [الطول = 450 بيكسل :: العرض = 780 بي**ل]
ونختار الخلفيه بيضاء ثم نضغط ok
الان نذهب الى منسق الالوان ونختار اللون اللي راح يكون لون الخلفيه
ناخذ السطل ونصبغ الخلفيه باللون اللي يعجبنا (كل شخص وله ذوق )
اللحين صبغنا الخلفيه
بعدها نروح من اعلى برنامج الفوتوشوب ونختار view :: ثم :: Exstras
وذلك ليتضح التخطيط على التصميم ومنها نقدر نضبط الاستايل بمقاسات دقيقه
dezo edris
(زمان كنت استخدمه واما الان فاصبح الوضع شبه عادي ) اللي اقصده هي كم مره وبعديم نتعود
اللحين نشوف شكل التخطيط على التصميم
نضيف لير جديد ومازال التخطيط مكانه ولاحتى نفكر نشيله الا في حاله الانتهاء او مشاهدة التصميم
اللي بتشوفونه الان الخلفيه + عليها التخطيط + عليها اربع ارقام انا اضفتها بس للتوضيح
تروح اللحين تختار اداة التحديد ومثل ماقلت انا مرقمها يعني لاحد يروح يرقم عنده فتلخبطون التصميم
اللحين انتوا تشوفون الارقام
بالله ركزوا معاي
اللي يساعدنا في الدقه هو التخطيط والتخطيط كل مربع صغير فيه حطته برقم
من اليسار عد معاي (1:: 2 :: 3 :: 4)
انا خليت واحد فاضي وبديت من المربع الثاني وانتهيت بنهاية المربع الثالث
اسباب البدايه من 2 هو ترك مجال بين جدار المنتدى والعمود
بالنسبه لاختياري 2 + 3 بس (عشان يكون العمود شكله مناسب ولاهو كبير حيل ولا هو صغير )
ركزوا واللي يرحم والديكم لاحد يروح يحدد على الطبقه الاساسيه
انا قلت افتحوا لير جيد وحددوا باداة التحديد من بداية رقم 2 الى نهاية رقم 3
اللحين نروح ناخذ اداة سحب الالوان او تدرج الالوان
ونختار اللي في الصوره القادمه بالضبط ماعدا (اختيار اللون بالنسبه لكل شخص وذوقه)
ناخذ اداة سحب اللون ونسحب من اليمين اليسار
من تحت الى فوق او من فوق الى تحت لا لا لا ومالكم لوى
اللحين على نفس اللير حق العمود نروح ندلع العمود عشان يكون هناك شكل مقبول
على فكره تقريبا شكل العمود اللي سويته هو ابسط الاشكال ولافيه ذاك الاحتراف
الاحتراف في التصميم يعتمد فقط على مهارتك انت وبس
نروح مثل ماقلت على لير العمود ونضغط على حرف f :: ثم :: stroke...
ونحط هالاعدادات
الى اللحين اقول كل واحد وذوقه في اللون
اللحين قضينا من شئ اسمه تصميم عمود ايسر واعطيناه تحت بلون اثقل او قريب منه
طيب :: العمود الثاني ماراح نصممه اللي في اليمين
عشان نرتاح :: مالنا غير ندبله اجل ونضغط على لير العمود بالماوس الايمن Duplcete layer
اللحين العمود اندبل وش السواه به
نسحبه الى اقصى اليمين
ومثل مارقمت انا الجهه اليسرى . اللحين رقمت الجهه اليمنى عشان تكون الوزنيه تمام التمام
اللحين نروح من اعلى برنامج الفوتوشوب ونختار view :: ثم :: Exstras
ونزيل التخطيط :: نبي اتميلح شوي باللي سويناه
===============================
الاعمده وقضينا منها والحمد لله
اللحين جينا على الهيدر
نضيف لير جيد
طيب اللحين نروح من اعلى برنامج الفوتوشوب ونختار view :: ثم :: Exstras
عشان نرجع التخطيط
هالنقطه بالذات يبيلها تركيز
انت اضفت لير صح!
ورجعت التخطيط
وش مطلوب منك في هاللير
المطلوب تروح للتصميم حقك وتعد من فوق 12 مربع وانت وبكيفك
بس حط هيدر عليه الكلام
تروح للادوات وتاخذ اداة التحديد
وتحدد من اقصى اليمين الى اقصى اليسار
يعني مايحتاج تحدد عرض معين
كل اللي عليك شئ واحد انك تصك التحديد من الطرف الى الطرف
اللحين مازلت محدد
تروح تاخذ اداة التدرج اللوني
وتختار اللي موجود بالصوره
وتسحب من فوق الى تحت او من تحت الى فوق
من اليمين الى اليسار او الع** لا
بعد ماتسحب :: ازل التحديد وذلك بالضغط على Ctrl+D
اوكيه
وهذا الهيدر قضينا منه
يالله دلعوه
اعطوه تحديد وذلك بالضغط على حرف f :: ثم :: stroke..
واعطوه هالقيم وكلاً على راحته
راح يكون بهذا الشكل وهذا تصوير مقطعي
قضينا من الهيدر + الاعمده
بقى علينا الفوتر
نضيف لير جديد
ثم نستخدم اداة التحديد ونحدد الجزء الاسفل بمقاس اقل من الهيدر
وناخذ اداة التدرج اللوني
ونختار اللون المطابق للهيدر والاعمده
نسحب من فوق الى تحت او من تحت الى فوق
من اليمين الى اليسار لا او الع**
بعد ماتسحب :: ازل التحديد وذلك بالضغط على Ctrl+D
تم الانتهاء بحمد لله من تصميم [هيدر + فوتر + عمود ايمين + عمود ايسر]
الان احفظ العمل
انتبه لصيغة الحفظ
واحفظ العمل على صيغة الفوتوشوب للرجوع اليه فاي حال لاقدر الله ان كنت اخطئت
ثم اقفل الفوتوشوب وخذ قصد من الراحه وكوب شاهي
واللي راعي شبة النار يشبها عاد مع شاهي شئ ثاني
=================================
انتهى هذا الدرس الخاص بالتصميم استايل الاحترافي
اي اضافات في الهيدر او الفوتر تعتمد على الشخص نفسه ومدى معرفة بالدروس التي استفاد منها جراء مروره بالمنتديات
ملاحظات مهمه :: عند وضع اضافات على الهيدر او الفوتر فلابد ان تنتبه لنقطة الالتقاء
اللحين انت صممت هيدر وحطيه فيه اسم المنتدى وصور ومدري ايش
لاحظ ان فيه منطقه اسمه تمدد المنتدى اما مع توقيع كبير او واحد جالس يتصفح المنتدى على شاشه 1024 يعني انتبه ثم انتبه ثم انتبه
ولا بد يكون نقطة الالتقاء في الهيدر تتوافق مع الفوتر
شوف الصوره هذا وراح تفهم وش اعني
اي خلل في اللتقاء مثل تخليه صوره كامله ومع التمدد راح تشوف ان الصوره مقصوصه بشكل غبي وماراح ترتاح مع الاستايل
فتاكد انك بتتعب.
تفسير اخر لنقطة الالتقاء او التمدد :: هي النقطه التي تكون بين جزئي الهيدر المقصوصه والتي تكون بحالة تمدد في شتى الاوضاع ولاتاثر في شكل المنتدى
فاذا ماضبط هالنقطه فماراح تسلك في التقطيع وتقول ياليت وياكيف
================================================== ============
اللحين نجي لمرحلة التقطيع
اللي فهم الدروس السابقه فماراح يتعب في هالدرس
لان الدروس السابقه تمهيد والان جاء وقت الجد
تبي تقطع مثل الناس وتسلك في الاستايلات ركز
بتسرح او تجلس تسئل اسئلة مبتدئين فانصحك ترجع لركن تعليم الاستايلات للمبدتئين
اللي ابيه في هالدرس ذيابه تنشد بها الظهر
اللحين افتح برنامج الفوتوشوب
انت فتحت الفوتوشوب طيب انت حفظت العمل يوم قلت احفظه على هالصيغه
طيب اسحبه يامال الغنيمه للفوتوشوب وحطه قدامك وناظر فيه
قدامك الاستايل ..... اللي ابيه منك تقطعه ثلاث قطع بس
[:::عملية التقطيع :]
تستخدم اداة التحديد وبعد تحديد الجزء المراد قطعه
تقوم بالضغط على ctrl+ c (تنسخه)
تضغط على file :: ثم :: new
لاتحط اي مقاس
طبيعي راح يعطيك المقاس للجزء اللي انت حددته ثم نسخته
من غير نسخ ماراح يعطيك (انتبه)
من يوم ينفتح لك العمل :: اضغط ctrl + v (لصق)
جزء الهيدر لوحده
وجزء الوسط لوحده
وجزء الفوتر الحاله
قطعت الثلاث الاجزاء
===============================
الموضوع له تكمله
